Um höfundinn
Steinunn Ásmundsdóttir rithöfundur og ljóðskáld er fædd árið 1966 í Reykjavík. Ferðalög innanlands og vítt um veröldina, ljóðagerð, blaðamennska, starf að náttúruvernd og landvarsla voru helstu viðfangsefni hennar fram undir þrítugsaldurinn. Hún flutti til Egilsstaða árið 1996 og bjó þar næstu rúmlega tuttugu árin, stofnaði fjölskyldu og starfaði sem blaðamaður og ljósmyndari Morgunblaðsins á Austurlandi í hartnær áratug og sem ritstjóri héraðsfréttablaðsins Austurgluggans um skeið. Hún dró sig fyrir nokkrum árum í hlé frá fjölmiðlavinnu og gekkst skáldskapnum á hönd að nýju. Hún er um þessar mundir búsett í Húnaþingi.
Steinunn hefur verið félagi í Rithöfundasambandi Íslands frá árinu 1992.
Næst á dagskrá er að ný ljóðabók kemur út hjá forlagi Dimmu í október nk. Í smíðum er skáldsaga sem áætluð er til útgáfu 2020 ef allt gengur að óskum.
Útgefið efni:
Manneskjusaga
skáldævisaga, Bókaútgáfan Björt, 2018.
Áratök tímans
ljóð, útg. Félag ljóðaunnenda á Austurlandi, 2018.
Hin blíða angist
ljóð frá Mexíkó, útg. Yrkir, 2017.
Hús á heiðinni
ljóð frá Þingvöllum, útg. Andblær, 1996.
Dísyrði
ljóð, útg. Goðorð, 1992.
Einleikur á regnboga
ljóð, útg. Almenna bókafélagið, 1989.
Ljóð, sögur og greinar í safnritum, tímaritum og blöðum og þættir/innslög á ljósvaka.
Á vefnum:
Ný ljóð
Áður óbirt ljóð
Þýðingar ljóða
Á vefnum eru auk ljóða m.a. sögur, greinaskrif um aðskiljanleg efni og ljósmyndasafn, m.a. frá Austurlandi.
KYNNINGARMYNDBAND UM OPNUN VEFSINS
Yrkir.is er birtingarvettvangur hugverka Steinunnar Ásmundsdóttur