Lífsþrá

Kona með einbeittan vilja til að lifa
röltir um götur Parísar
lætur sig berast fyrir vindi
andar Signu að sér
og fólkinu
borgin ilmar af vori
stendur kjökrandi á safni
framan við mynd eftir Matisse
af konu sem horfir djörf á móti
með frjálsum augum þó föst sé á striga
villist tímunum saman um strætin
táknmyndir hvarvetna vekja forvitni
skynjar dýpt sögunnar
þykkt aldanna
lag fyrir lag
af gömlu Evrópu
Liberté, Egalité, Fraternité, ou la mort!